Sunday, September 22, 2013

കിന്‍റെര്‍ ഗേള്‍

 
 
 
 
"ഇക്കാക്കയോട് ഞാന്‍ ഒരു ചോദ്യം ചോദിക്കട്ടെ?" 
"പിന്നേ. മോള് ചോദിക്ക്" 
"ഉത്തരം പറഞ്ഞില്ലേല്‍ എന്ത് തരും"? 
"ങേ.. അത് ശരി, മോള്‍ക്ക് എന്താ വേണ്ടത്"? 
"ഉത്തരം പറഞ്ഞില്ലേല്‍ എനിക്ക് പത്ത് കിന്‍റെര്‍ ജോയ് വേണം" 
"അതെന്താ.. കിന്‍റെര്‍ ജോയി?" 
"അതൊരു ചെറിയ മുട്ടായി ആണ്.. അത് വാങ്ങി തരുമോ?" 
"ങേ ചെറുതാണോ? എന്നാല്‍ പത്തല്ല ഇരുപത് വാങ്ങി തരാം"
ഞാന്‍ ഓഫര്‍ കുറച്ചില്ല. കൊച്ചു കുഞ്ഞു ചോദിക്കുന്നതല്ലേ, നമ്മളായിട്ട് എന്തിനു കുറക്കണം. 
"എന്നാ ചോദിക്കട്ടെ?" 
"ങും.. ചോദിക്ക്" 
"ലോകത്തിലെ ഏറ്റവും വലിയ കഴുത ഏത്?" 
പടച്ചോനെ, കുടുങ്ങിയല്ലോ, ഏറ്റവും വലിയ മനുഷ്യന്‍, ഏറ്റവും വലിയ മൃഗം, ഏറ്റവും വലിയ പക്ഷി എന്നൊക്കെ കേട്ടിട്ടുണ്ട്? ഇതിപ്പോ ഏറ്റവും വലിയ കഴുത എന്നൊക്കെ ചോദിച്ചാല്‍ എന്താ ചെയ്യാ, എന്നാലും ഇത്തിരി പോന്ന പോക്കിരി കുട്ടിയുടെ മുന്നില്‍ തോറ്റ് കൊടുക്കാന്‍ പറ്റില്ലല്ലോ. ഇക്കാക്ക ഇപ്പോള്‍ വരാമെന്നും പറഞ്ഞു ഞാന്‍ മെല്ലെ പുറത്തിറങ്ങി. മൊബൈല്‍ എടുത്ത് വൈഫൈ ഓണ്‍ ആക്കി, ഗൂഗിള്‍ എടുത്ത് സെര്‍ച്ച്‌ ചെയ്തു. കഴുതക്ക് ആസ് എന്നാണല്ലോ ഇംഗ്ലീഷില്‍ പറയുക. അത് കൊണ്ട് ഇങ്ങനെ സേര്‍ച്ച്‌ ചെയ്തു? 

what is the biggest ass in the world? 

Alas! സേര്‍ച്ച്‌ റിസള്‍ട്ട് കണ്ടു ഞാന്‍ ബോധം കേട്ട് വീണില്ല എന്നേ ഉള്ളൂ... അമ്മാതിരി ഒരു ആസ് ആണ് കണ്ടത്. നമ്മള്‍ അറിയാതെ ഇംഗ്ലീഷ്കാര്‍ ആസിന്‍റെ അര്‍ഥം മാറ്റിയോ? ഓക്സ് ഫോര്‍ഡ് ഡിക്ഷണറി എടുത്തു നോക്കി, ഹേയ്.. തെറ്റിയിട്ടില്ല. ഇനി ഗൂഗിള്‍ സ്പെഷ്യല്‍ അര്‍ഥം വല്ലതും ആവും. ങാ പോട്ടെ. ഫെയ്സ്ബുക്കില്‍ ആരോടെങ്കിലും ചോദിക്കാം എന്ന് കരുതി പോസ്റ്റ്‌ ഇട്ടു. 

"what is the biggest ass in the world?" 

നെനക്ക് പ്രാന്തായോ എന്ന് ചോദിച്ചു ആദ്യം ഇന്‍ബോക്സില്‍ പ്രിയ സ്നേഹിതന്‍ വന്നു. പിന്നെ അങ്ങോട്ട്‌ ഇന്ബോകിസിനു നിക്ക പൊരുതി ഇല്ല. തലങ്ങും വിലങ്ങും ആസ്കള്‍ ഇന്‍ബോക്സില്‍ എത്താന്‍ തുടങ്ങി. അവസാനം മോളുടെ മുന്നില്‍ സുല്ലിട്ടു.

"അതേയ്, ഇക്കാനോട്‌ മറന്നു പോയി. ഇനി മോള് പറ"
"ഇക്കാക്ക കൊറേ ആളോട് ചോദിച്ചു അല്ലെ?"
"ങേ.. എങ്ങനെ മനസ്സിലായി?" 
"ചോദിച്ചോ, ഇല്ലയോ?" 
കുട്ടികളോട് നമ്മള്‍ മുതിര്‍ന്നവര്‍ കളവു പറഞ്ഞാല്‍ പിന്നീട് അവരും കളവ് പറയാന്‍ തുടങ്ങും. ഈ ഒരു ചെറിയ കാര്യത്തിനു വേണ്ടി കളവു പറയണോ? ഹേയ് വേണ്ട.. 
"ങും.. ചോദിച്ചു.. എന്നിട്ടും കിട്ടീല്ല.." 
"എങ്ങനാ കിട്ട്വാ?" 
"ങേ.. അപ്പൊ അതിനു ഉത്തരമില്ലേ?" 
"ണ്ട്.. ണ്ട്... ഈ ചോദ്യത്തിനു ഉത്തരം തേടിപ്പോയ ഇക്കാക്ക തന്നെയല്ലേ ഏറ്റവും വലിയ കഴുത?" 
"ങേ............."

ഞാന്‍ ഞെട്ടിയോ? ഹേയ്.. ഇല്ല. പക്ഷെ ഞെട്ടി. ഞാന്‍ ഞെട്ടിയത് കിന്‍റെര്‍ ജോയ്ന്‍റെ വില കേട്ടപ്പോള്‍ ആണ് എന്ന് പറയുന്നതാവും ശരി. മേലാല്‍ കിന്‍റെര്‍ ജോയി വെച്ചു ഒരു കളിയുമില്ല എന്ന് ഇതോടെ തീരുമാനിച്ചു.

8 comments:

  1. ഈ വീട്ടില്‍ ഇനി അലുവ വാങ്ങി കൊണ്ടുവരരുത്....ഇപ്പോഴത്തെ പിള്ളേര് കൊള്ളാം,എന്താ കളി :)

    ReplyDelete
    Replies
    1. പിള്ളേരോട് കളിക്കരുതെന്നാ പ്രമാണം.. :)

      Delete
  2. :P Nee ithokke ingane vilichu parayano?ellaarkkum ariyaavunna kaaryamalle..

    ReplyDelete
    Replies
    1. ശോ... ഇതൊന്നും ലീക്കാക്കല്ലേ.... ആസ്ലൂ.....

      Delete
  3. Good One :)

    The way you presented.. really appreciable

    Ash

    ReplyDelete
    Replies
    1. :) ഞാന്‍ ആരാ മോന്‍... ;)

      Delete