Tuesday, January 29, 2013

യുവത്വം









യുവത്വം സിഗരറ്റ്‌ പോലെയാണ് 
തുമ്പില്‍ ആരോ തിരികൊളുത്തി  
എരിയുന്ന ചിന്തകള്‍ തീവ്രമാക്കുന്നു
അവസാനത്തെ പുകയും ആഞ്ഞു വലിച്ചു
തെരുവിലേക്ക്‌ വലിച്ചെറിയുന്നു


കണ്ണ് തുറന്നു പിടിച്ചു
കൈകള്‍ കൊണ്ടു തട്ടിമാറ്റി 
സ്വയം നിയന്ത്രിച്ചു തടുത്തു നിര്‍ത്തണം
നിന്റെ ചാരം വളത്തിന് പോലും
കൊള്ളില്ലെന്ന് അറിയുന്നതിനു മുന്‍പ്.



----------------------------------------------------------

Saturday, January 26, 2013

കാറ്റ്‌ ഒരു വിഡ്ഢിയോ?






കാറ്റ്‌ കരളും കൊണ്ട് പോയെന്ന്‍ കര്‍ഷകന്‍ 
കാറ്റ്‌ ചതിച്ചെന്ന് പറഞ്ഞു കാക്കക്കൂട്ടം

കാറ്റ്‌ വിധവ ആക്കിയെന്നു മുക്കുവത്തി 
കാറ്റ്‌ ഭരണം കൊണ്ടു പോയെന്നു തടവറ 

കാറ്റ് സുഖകരമായ ഓര്‍മയെന്നു കാമുകന്‍ 
കാറ്റ്‌ അകവും പുറവും കുളിര്‍പ്പിചെന്നു കാമുകി 

കാറ്റ് ഇല്ലെങ്കില്‍ പാട്ട് ഇല്ലെന്നു ഗായകന്‍
കാറ്റ്‌ ഇല്ലെങ്കില്‍ കായ്‌ ഇല്ലെന്ന് ഈത്തപ്പന 

കാറ്റില്ലാതെ പട്ടം പറത്തുവതെങ്ങനെയെന്നു കുട്ടി 
കാറ്റ് ഇല്ലെങ്കില്‍ മഴയില്ലെന്ന്  മേഘം 

വിഡ്ഢി  ഒരു കാറ്റിനെ പോലെ ആണ് 
മര്‍ദത്തിനനുസരിച്ചു വീശിയടിക്കുന്നവന്‍ 
സ്വന്തമായ് ഒരു തുണ്ട് ഭൂമി ഇല്ലാത്തവന്‍ 
കാറ്റ്‌ വിതച്ച് കൊടുംകാറ്റ് കൊയ്യുന്നവന്‍ 













Friday, January 25, 2013

തര്‍ക്കം








 


തര്‍ക്കം തക്കം പാര്‍ത്തിരുന്നു 

തഞ്ചത്തില്‍ ആരെയെങ്കിലും തനിക്ക് കൂട്ടാന്‍ 

തന്തയ്ക്കു പിറന്നവര്‍ ഉണ്ടെങ്കില്‍ വാടാ എന്ന്

തര്‍ക്കം തന്ത്ര പൂര്‍വം വെല്ലു വിളിച്ചു 

തനിക്ക്‌ താന്‍ പോന്നവര്‍ എന്ന് തോന്നിയ 

തര്‍ക്കികള്‍ തര്‍ക്കത്തിന്‍ കെണിയിലായി...