താരാട്ട് പാട്ട്

മോനേ.. മോനേ.. ചെന്താരേ..

എന്റെ ഉള്ളം തുടിപ്പിക്കും പുന്നാരേ...

കണ്ണുകൾ രണ്ടും പൂട്ടീട്ട് നീ

സ്വപ്നങ്ങൾ കണ്ടിട്ടുറങ്ങേണം.

നാളെ നിന്നെയുറക്കീടാൻ...

നിന്റെ ഉപ്പച്ചി ഉണ്ടാവില്ലെൻ മോനെ..

നിന്നെ കയ്യിലെടുത്ത് നടക്കുവാൻ

ഈ ഉപ്പച്ചി ഉണ്ടാവില്ലെൻ മോനെ...

ആ മരുഭൂ മണൽ കാട്ടില്...

പൊള്ളുന്ന വെയിലിൻ ചോട്ടിലും

മടുക്കുന്ന മഞ്ഞു മഴയിലും

ഉപ്പയെന്നുമോർക്കുമീ മുഖം

നിന്റെ തേനൂറും പുഞ്ചിരി പാൽ മുഖം.

മണ്ണിൽ കളിച്ചു വളരേണം നീ 

പുഴയിൽ ചാടി കുളിക്കേണം 

കുസൃതികൾ കാട്ടി നടക്കേണം നീ..

എല്ലാർക്കുമോമലായ് വളരേണം.

അറിവുകൾ ഒരുപാട് നേടേണം നീ ....

പൊയ്മുഖമില്ലാതിരിക്കേണം 

ജാതിമതഭേദമില്ലാതെ നീ 

എല്ലാർക്കും കനിയായി മാറേണം

ഉമ്മാന്റെ വാക്കുകൾ കേൾക്കേണം നീ ..

ഉമ്മാക്ക് നന്മകൾ ചെയ്യേണം

ഉമ്മാന്റെ കണ്ണ് നിറക്കാതെ നീ..

ഉമ്മാന്റെ ചാരത്തിരിക്കേണം...

------------------------------X-X-X-X-X---------------------------