നിഴല്‍

ഇടക്ക് വലുതായും 

ഇടക്ക് ചെറുതായും 

ചിലപ്പോള്‍ ചേര്‍ന്നു നിന്നും 

ജീവിതം ഇരുട്ടിലാവുമ്പോള്‍ 

ഓടിയൊളിക്കുകയും ചെയ്യുന്ന 

ചതിയനായ സുഹൃത്താണ് നിഴല്‍

ഫാര്‍മസിസ്റ്റ്

സുലൈമാന്‍ ഫാര്‍മസിസ്റ്റ് ആയി ജോലിക്ക് കയറിയിട്ട് കുറച്ചു ദിവസങ്ങളെ ആയുള്ളൂ. ഒരു ദിവസം ഉച്ച സമയത്ത് ഒരറബി ഫാര്‍മസിയില്‍ വന്നു. അറബിയുടെ വായ്നാറ്റം മൂലം സുലൈമാന്‍ പകുതി മൂക്ക് പൊത്തിയിട്ടാണ് അറബിയോട് സംസാരിക്കുന്നത്. അറബി അറിയാത്ത സുലൈമാന്‍ ഒരു വിധം അറബി ചോദിച്ച മരുന്ന് എടുത്തു കൊടുത്തു.

ഒടുവില്‍ അറബി ബില്ലടച്ചു പോവുമ്പോഴാണ് സുലൈമാന് ഒരു കാര്യം ഓര്‍മ വന്നത്. അറബികളെ സോപ്പിട്ടാല്‍ നമുക്ക് പുരോഗതി പെട്ടന്നുണ്ടാവുമെന്നു ഔക്കര്‍ക്ക പറഞ്ഞ കാര്യം. ഈ അറബിയെ ഒന്ന് സോപ്പിട്ട് നോക്കാമെന്ന് കരുതി സുലൈമാന്‍ അറബിയെ തിരിച്ചു വിളിച്ചു. അറബിയുടെ വായ്‌ നാറ്റത്തിനു ഒരു നല്ല മരുന്ന് ഫ്രീ ആയി നല്‍കാന്‍ തീരുമാനിച്ചു.

പക്ഷെ ഇത് വായ്‌നാറ്റത്തിനു നല്ലതാണെന്ന് അറബിയില്‍ പറയാന്‍ സുലൈമാന് കഴിയുന്നില്ല. വായക്ക് എന്താണാവോ അറബിയില്‍ പറയുക.? ആംഗ്യത്തിലൂടെയും മുറി അറബി ഇംഗ്ലീഷിലൂടെയും ഒരു വിധം പറഞ്ഞൊപ്പിച്ചു.

"മുദീര്‍, ഇന്‍ത മൌത്ത്, ഹാദാ സെയിന്‍" (നിങ്ങളെ വായക്ക് ഇത് നല്ലതാണ്)

അറബിയുടെ മുഖം ചുവന്നു? സംശയം തീര്‍ക്കാന്‍ അയാള്‍ ഒന്നൂടെ ചോദിച്ചു.

"മൌത്തീ" ?

"ഹൈവ.. സെയിന്‍" സുലൈമാന്‍ റിപ്ലൈ കൊടുത്തു.

പറഞ്ഞു തീരുന്നതിനു മുന്പ് തന്നെ അറബി കൈ ഒന്നാഞ്ഞു വീശി. പൊന്നിന് വില കുറഞ്ഞത് കൊണ്ടാവാം, അല്ലെങ്കില്‍ മരുഭൂമിയുടെ പ്രത്യേകത കൊണ്ടോ സുലൈമാന്‍റെ തലക്ക് മുകളില്‍ ഒരായിരം വെള്ളിയീച്ചകള്‍ ഒന്നിച്ചു മിന്നി.

----------------------------

മൌത്ത് = മരണം
മൌത്തീ = എന്‍റെ മരണമോ?

തകര്‍ക്കപ്പെടേണ്ട വ്യവസായം

മീരാ ഗഞ്ച് 

മുസാഫര്‍പൂര്‍ 

വാരാണസി 

ഗംഗ യമുനാ 

ബുധ് വാര്‍പേട്ട് 

കാമാത്തിപുര 

ജി ബി റോഡ്‌ 

സോനാ ഗച്ചി

ബാല്യവും 

കൌമാരവും 

യൗവനവും 

വിവസ്ത്രമാക്കപ്പെട്ട 

ഭാരത സ്ത്രീയുടെ 

കണ്ണീര്‍ ചാലുകള്‍

ഒരിറ്റ് സ്നേഹം 

ഇവരോടുണ്ടായിരുന്നെങ്കില്‍ 

പല അമ്മമാര്‍ക്കും 

മകളെ നഷ്ടപ്പെടില്ലായിരുന്നു

കേരളമേ നീയെത്ര ധന്യ 

നിന്‍റെ മാറിടത്തില്‍ 

പരസ്യമായ മേച്ചില്‍

പുറങ്ങളില്ലല്ലോ

നഗ്ന കാഴ്ചകള്‍ ചലിക്കുന്നതെങ്ങനെ ...

ലെഗ്ഗിന്‍സ് ആണല്ലോ പുതിയ ട്രെന്‍ഡ്. അത് കൊണ്ട് തന്നെ ലെഗ്ഗിന്‍സ് എന്താണ് എന്ന് പഠിക്കുന്നതിനു മുന്പ് സമൂഹം സ്ത്രീയെ എങ്ങനെ നോക്കി കാണുന്നു എന്ന് നോക്കാം. ആരാണ് സ്ത്രീയെ കാമ വസ്തു ആക്കി മാറ്റുന്നതെന്നും നോക്കാം.

ആധുനിക നൂറ്റാണ്ടില്‍ സിനിമയോളം ജനപ്രീതിയുള്ള മറ്റൊരു മാധ്യമം ഇല്ല എന്ന് തന്നെ പറയാം. സിനിമ എന്നത് ഒരു ദൃശ്യാവിഷ്കാരം ആണ്. സിനിമയില്‍ നിന്നുമാണ് ഫാഷന്‍ ട്രെന്‍ഡ് പടരുന്നത് എന്നത് ഒരു വസ്തുതയുമാണ്. താടിയോ മീശയോ, ലെഗ്ഗിന്‍സോ, ജീന്‍സോ, കൂളിംഗ് ഗ്ലാസ്, മൊബൈല്‍, ആഭരണം, അങ്ങനെ ഒരുപാട് സാധങ്ങള്‍ സിനിമ വഴി ക്രയവിക്രയം ചെയ്യപ്പെടുന്നുണ്ട്.

സിനിമ തന്നെ പല വിധത്തില്‍ ഉണ്ട്. വാണിജ്യ സിനിമകള്‍ , ആര്‍ട്ട്‌ മൂവീസ്, ഷോര്‍ട്ട് മൂവീസ്, സോഫ്റ്റ്‌ കോര്‍ പോണ്‍ മൂവീസ്, ഹാര്‍ഡ്കോര്‍ പോണ്‍ മൂവീസ്. ഇതിനൊക്കെ പുറമേ മ്യൂസിക് വീഡിയോസ് എന്നിവയും ഉണ്ടാവും.

സൗന്ദര്യമില്ലാത്ത അഭിനേത്രികള്‍ നായികയായി വരുന്ന സിനിമകള്‍ നിങ്ങള്‍ കണ്ടിട്ടുണ്ടോ? സിനിമയിലെ കഥാപാത്രം വിരൂപയാണെങ്കില്‍ പോലും സുന്ദരിയായ നായികയെ വിരൂപയാക്കി മേയ്ക്ക് അപ് ചെയ്തിട്ടാണ് സിനിമയില്‍ പ്രദര്‍ശിപ്പിക്കുക. പല ഗാന രംഗങ്ങളിലും നായികയുടെ മുലയും മൂടും ആവോളം ക്യാമറ കണ്ണുകളില്‍ ഒപ്പിയെടുക്കുകയും ചെയ്യും. ചില സിനിമകളില്‍ നമുക്ക് കാണാം ഒരു ഉത്തമ കുടുംബ ചിത്രം എന്ന്. അതായത് ഈ സിനിമ കുടുംബത്തിനു ഒന്നിച്ചിരുന്നു കാണാം എന്ന സദുദ്ദേശ മുന്നറിയിപ്പ്.

കിംഗ്‌ എന്ന സിനിമയിലെ വാണി വിശ്വനാഥ് താഴെ വീഴുന്ന കീ എടുക്കുന്ന രംഗം മനസ്സില്‍ ഇല്ലാത്ത എത്ര ചെറുപ്പക്കാര്‍ ഉണ്ടാവും നാട്ടില്‍? നടിയുടെ മുലയിടുക്കള്‍ വഴി സിനിമയിലെ മറ്റൊരു കഥാപാത്രത്തെ കെണിയില്‍ പെടുത്തുന്ന രംഗം. ആ ഒരു രംഗം കാണാന്‍ വേണ്ടി വീണ്ടും വീണ്ടും സിനിമ കണ്ടവര്‍ പോലും ഉണ്ട് ഞാന്‍ ഉള്‍പ്പെടെ. രംഗീല എന്ന സിനിമ കാണാന്‍ ആള് പോയത് അതിലെ നടിയുടെ തുറന്നു കാണിക്കല്‍ ഉള്ളത് കൊണ്ടായിരുന്നു. ഇന്നത് കാണുമ്പോള്‍ ഒന്നും ഇല്ല. അതിലധികം തുറക്കപ്പെട്ടിരിക്കുന്നു.

ജെന്നിഫര്‍ ലോപസ്, റിഹാന, ഹേമ മാലിനി, ഐശ്വര്യ റായ്, കരീന കപൂര്‍, രവീണ, ഊര്‍മിള, മോഹിനി, രംഭ, നയന്‍ താര തുടങ്ങി ശരീരത്തിന്‍റെ കാമസ്വരൂപം പ്രദര്‍ശിപ്പിക്കാത്ത എത്ര നായികമാര്‍ ഉണ്ട്. അതിനു നമ്മള്‍ വിളിക്കുന്ന ഓമനപ്പേര് ആണ് ഗ്ലാമര്‍ എന്ന്. എന്ത് കൊണ്ടാണ് ഇവരൊക്കെ ഇങ്ങനെ ശരീരം പ്രദര്‍ശിപ്പിക്കുന്നത്? തീര്‍ച്ചയായും അത് പണം ഉണ്ടാക്കാന്‍ എന്നല്ലാതെ മറ്റെന്തിനു വേണ്ടിയാണ്? കഥാപാത്രം അത് ആവശ്യപ്പെടുന്നു എന്നത് ഒരു ന്യായീകരണം മാത്രമാണ്. ഒരു ഗാന രംഗത്തില്‍ അര്‍ദ്ധനഗ്നയായി പ്രത്യക്ഷപ്പെടാന്‍ എന്ത് കഥാപാത്രം ആണ് അതില്‍ ഉള്ളത്? അതിനെയാണ് വ്യാപാരം എന്ന് പറയുന്നത്. ഒരു പെണ്ണിനെ കണ്ണുകള്‍ കൊണ്ട് ഉഴിയുക എന്നത് ഒരു പുരുഷന്‍റെ ജീനില്‍ പെട്ടത് ആണ്. ആ ജീനില്‍ ഏറ്റകുറച്ചിലുകള്‍ ഉണ്ടാവുമ്പോഴാണ് കാമ ഭ്രാന്തന്മാരും സ്വവര്‍ഗ രതിക്കാരും സെക്സില്‍ താല്‍പ്പര്യമില്ലാത്തവരും  ഉണ്ടാവുന്നത്.

ഒരു ആണ്‍കുട്ടി ഹൈസ്കൂള്‍ തലം മുതല്‍ പെണ്‍കുട്ടികളോട് സെക്സ് അപ്പീലിനാല്‍ ആകര്‍ഷിക്കപ്പെടുന്നു. അവിടം മുതലാണ്‌ ഒരുപാട് പ്രണയങ്ങള്‍ മൊട്ടിടുന്നത്. സുന്ദരിയായ പെണ്‍കുട്ടികളെയാവും ഒരുപാട് ആണ്‍കുട്ടികള്‍ നോട്ടമിടുക. സൌന്ദര്യം കുറഞ്ഞ പെണ്‍കുട്ടികള്‍ക്ക് അന്നും ഇന്നും മാര്‍ക്കറ്റ് ഇല്ല. വിവാഹ മാര്‍ക്കറ്റില്‍ പോലും. അത്ഭുതപ്പെടെണ്ട, ഏതാണ്ട് ഹൈസ്കൂള്‍ തലം മുതല്‍ ആണ്‍കുട്ടികള്‍ സോഫ്റ്റ്‌ പോണ്‍ മുതല്‍ ഹാര്‍ഡ്കോര്‍ പോണ്‍ സിനിമകള്‍ വീക്ഷിക്കാന്‍ തുടങ്ങുന്നു.

സണ്ണി ലിയോണ്‍ എന്ന പോണ്‍ സ്റ്റാര്‍ (സ്റ്റാര്‍ എന്നാല്‍ നക്ഷത്രം) പഴയ പണിയൊക്കെ നിര്‍ത്തിയിട്ട് ആണത്രേ ബോളിവുഡില്‍ വന്നത്. എന്തിനാവും നിര്‍ത്തിയത് എന്നതില്‍ ഇപ്പോഴും ഒരു ശങ്ക, എത്ര തന്നെ പോണ്‍ സിനിമയില്‍ നഗ്നയായി അനുഭവിച്ചാലും അവളുടെ ഒരു സിനിമ കണ്ടാല്‍ പോരെ ഒരാള്‍ക്ക്? സ്ഥാവര ജംഗമ വസ്തുക്കള്‍ ഒന്ന് തന്നെയായിരിക്കുമല്ലോ?

പറഞ്ഞു വന്നത് വസ്ത്രത്തെ കുറിച്ച് ആണല്ലോ, ഒരേ പോണ്‍ സ്റ്റാര്‍ തന്നെ, ടീച്ചര്‍ ആയും, വിദ്യാര്‍ഥിനിയായും, നഴ്സ് ആയും, ഹോം മെയ്ഡ് ആയും അങ്ങനെ ജീവിതത്തിലെ ഒരുപാട് കഥാപാത്രങ്ങളുടെ വേഷ പകര്‍ച്ചയിലൂടെ പോണ്‍ സിനിമ ചെയ്യുന്നുണ്ട്. കാരണം ആസ്വാദകര്‍ പല തരത്തില്‍ ആണ്. ചിലര്‍ക്ക് ടീച്ചറുടെ ഡ്രസ്കോഡ് ആയിരിക്കും പ്രിയങ്കരം, ചിലര്‍ക്ക് മിനി സ്കേര്‍ട്ട് ആയിരിക്കും, ചിലര്‍ക്ക് പര്‍ദ്ദയോ, പാവാടയോ ഇനി അതല്ല വേറെ മറ്റുവല്ലതോ ആയിരിക്കും. ഇവരെയെല്ലാം സന്തോഷിപ്പിക്കാനും ഉത്തേജിപ്പിക്കാനും ഉള്ള സിനിമകള്‍ പോണ്‍ കാറ്റഗറിയില്‍ ലഭ്യമാണ്.

ഒരു സ്ത്രീയുടെ ഏതൊരു ശരീര ഭാഗവും പുരുഷനെ സംബന്ധിടത്തോളം ആകര്‍ഷകമാണ്. അത് കൊണ്ടാണ് സ്ത്രീയെ വര്‍ണിച്ചു കൊണ്ടുള്ള കവിതകള്‍ ലോകമെമ്പാടും പടരുന്നതും. ആസ്വാദനത്തിലും മാറ്റങ്ങള്‍ ഉണ്ട്, ചിലര്‍ക്ക് സ്ത്രീയുടെ കണ്ണുകള്‍ ആയിരിക്കും ഇഷ്ടം, ചിലര്‍ക്ക് കവിള്‍, ചിലര്‍ക്ക് ചുണ്ട്, ചിലര്‍ക്ക് മുല, ചിലര്‍ക്ക് വയര്‍, ചിലര്‍ക്ക് ചന്തി, ചിലര്‍ക്ക് കാല്‍ അങ്ങനെ അങ്ങനെ പോവും. സ്തീയുടെ ചന്തിയും കണങ്കാലും ഇഷ്ടപ്പെടുന്നവനെ സംബന്ധിച്ച് നിയന്ത്രണം പോയാല്‍ അതിനു കുറ്റം പറഞ്ഞിട്ട് കാര്യമില്ല. അവന്‍റെ മനസ് അങ്ങനെയാണല്ലോ നിര്‍മിക്കപ്പെട്ടത്. ഒരു സുപ്രഭാതത്തില്‍ ഞാന്‍ ഇനി പെണ്ണിന്‍റെ ചന്തിക്ക് പകരം മുടി ഇഷ്ടപ്പെടട്ടെ എന്ന് തീരുമാനിക്കാനൊന്നും കഴിയില്ല. വേണെമെങ്കില്‍ അങ്ങോട്ട്‌ നോക്കാതിരിക്കാന്‍ ശ്രദ്ധിക്കാം എന്നൊക്കെ തീരുമാനിക്കാം.

പറഞ്ഞു വരുന്നത് എന്തെന്നാല്‍ വസ്ത്രം നോക്കി ആരെങ്കിലും എന്തെങ്കിലും അഭിപ്രായം പറഞ്ഞാല്‍ അയാള്‍ അയാളുടെ അമ്മയെ , പെങ്ങളെ, മകളെ അങ്ങനെയാണോ കാണുന്നത് എന്നൊക്കെ അധിക്ഷേപിച്ച് തെറി വിളിക്കുന്നതിനു പകരം ലോകം ഇങ്ങനെയൊക്കെ തന്നെയാണ് എന്ന് മനസിലാക്കുകയും അഭിപ്രായം മുഖവിലക്ക് എടുക്കേണ്ടത് ആണെങ്കില്‍ എടുക്കുകയും തള്ളേണ്ടത് തള്ളുകയും ചെയ്യുക.

സെക്സിനോടുള്ള  പുരുഷന്‍റെ ചാപല്യം  മുതലെടുക്കുകയാണ്  ലോകം. ഇവിടെയെല്ലാം കച്ചവടം ചെയ്യപ്പെടുന്നത് സ്ത്രീ ശരീരമാണ്. അല്ലെങ്കില്‍ തുടുത്ത പൂവമ്പഴം പോലെയുള്ള പെണ്ണിന് പകരം മെലിഞ്ഞു ഒട്ടി അല്ലെങ്കില്‍ പൊണ്ണതടിയുള്ള ഒട്ടും ആകര്‍ഷണം തോന്നാത്ത നായികമാര്‍ ഉയര്‍ന്നുവരുമായിരുന്നു. സ്ത്രീ ശരീരം കച്ചവടം ചെയ്യപ്പെടാനുള്ള കാരണം അതിനു ആസ്വാദകര്‍ കൂടുതലാണ് എന്നത് തന്നെ. 

ഒരു സാധാരണ പുരുഷന്‍ എത്ര തന്നെ മറ്റുള്ളവരുടെ നഗ്നത ആസ്വദിക്കുകയാണെങ്കിലും അവനു അമ്മയെയും പെങ്ങളെയും മകളെയും തിരിച്ചറിയാന്‍ കഴിയും. അല്ലായിരുന്നെങ്കില്‍ പെങ്ങളുടെ സ്ത്രീധനത്തിനു വേണ്ടി പരക്കം പായാതെ അവന്‍ അവളെ വിവാഹം കഴിക്കുമായിരുന്നു.

എന്‍ ബി: ബിരിയാണി മുന്നില്‍ വിളമ്പി വെച്ചിട്ട് കഴിക്കരുത് എന്ന് പറയരുത് .. പ്ലീസ്...

ദയ അര്‍ഹിക്കാത്തവര്‍

ഇസ്ലാം ഹിന്ദൂയിസം 

ക്രിസ്ത്യാനിസം 

ബുദ്ധിസം കമ്മ്യൂണിസം 

തത്വങ്ങള്‍ കടലാസില്‍ 

മാത്രമൊതുക്കിയ 

മനുഷ്യ വാസമില്ലാത്ത 

ഹൃദയങ്ങളിലാണ് 

രോഹീങ്ക്യകള്‍ 

തണുപ്പ് പുതച്ചു 

വിശപ്പ്‌ തിന്നു ജീവിക്കുന്നത്

യൌവനം 

പൂക്കുന്നതിനു മുന്‍പേ 

ലിംഗം സ്ത്രീയായതിനാല്‍ 

ഒരു അക്രമിയുടെ 

സ്ഖലനത്തിനായി 

ചങ്ങല കുരുക്കില്‍ 

പിടഞ്ഞു തൂങ്ങി 

കോമയില്‍ 

നാല് പതിറ്റാണ്ടിന്‍റെ 

ജയിലവാസമനുഭവിച്ചവള്‍ 

അരുണ ഷാന്‍ഭാഗ്

------------------

ജസി ഫ്രണ്ട് 

ദോഹ - ഖത്തര്‍ 

എന്നിട്ടുമെന്തേ ...... !!!

 

 

 

അത്രമേല്‍ വിശന്നിട്ടും, 
മനുഷ്യാ... ജീവന്‍റെ
അവസാന ശ്വാസവും
നിലച്ചെന്നു ഉറപ്പ്
വരുത്തിയതിനു ശേഷമാണ്
ഞാന്‍ ആഹരിക്കുന്നത്..

 

പകല് വെളിച്ചത്തില്‍
സഹോദരന്‍റെ കഴുത്തിലും 
നെഞ്ചിലും ആഴത്തില്‍
കുത്തിയിറക്കുന്ന
നിന്‍റെയീ രക്തം പുരണ്ട 
കൈകളെക്കാള്‍ വിശുദ്ധമാണ്
എന്‍റെയീ കൊക്കും നഖങ്ങളും

എന്നിട്ടുമെന്തേ ...... !!!

വീഴ്ച...

 

 

 

 

 

 

വര്‍ഷത്തിനു കൃത്യം 
പത്തുമാസം തികഞ്ഞപ്പോഴാണ് 
ഇന്ത്യക്കൊരു പുത്രന്‍ പിറന്നത് 
പിന്നീടവന്‍ വളര്‍ന്നു 
പിതാവാകുകയും ചെയ്തു

 

അഹിംസയെന്ന പദത്തിന് 
എന്തര്‍ത്ഥം എന്ന ചോദ്യത്തിനു 
ഉത്തരമായാണ് മഹാത്മാ 
എന്ന് ഇപ്പോഴും വിളിക്കപ്പെടുന്നത്

 

 

പിന്മുറക്കാര്‍ 
അഹിംസയെ ഹിംസിക്കുകയും 
മഹാത്മാവിനെ നോട്ടുകെട്ടുകളില്‍ 
തനിച്ചാക്കി യാത്ര തുടരുകയും
ചെയ്തതോടെയാണ് 
ഭാരതം പട്ടിണിയിലേക്ക്‌ 
വീണ്ടും മൂക്കും കുത്തി വീണത്